مەرجێن خزمەتگوزاریێ

ئەڤ مەرجە ڕێککەفتنن د ناڤبەرا تە و {COMPANY} دا ژ بۆ بکارئینانا {BRAND}. ب دروستکرنا ئەکاونتی یان بکارئینانا بەرنامەی، تو ڤان مەرجان قەبوول دکەی. ئەگەر تو ڤان مەرجان قەبوول ناکەی، {BRAND} بکار نەئینە.

هەژیبوون (مەرجێن پشکداریێ)

پێدڤیە ژیێ تە کێمترین ١٨ سال بن دا بشێی {BRAND} بکاربینی.

پێدڤیە شیانا یاسایی هەبیت بۆ چوونە د ناڤ ڤێ ڕێککەفتنێ دا، و نابیت ب چ یاسایەکێ هاتبیە قەدەغەکرن ژ بکارئینانا خزمەتگوزاریێ.

بۆ هەر کەسەکی، ئێک ئەکاونت. چ ئەکاونتان بۆ کەسەکێ دی چێنەکە و ڕێکێ نەدە کەسێ دی ئەکاونتێ تە بکاربینیت.

ئەکاونتێ تە

تو بەرپرسیاری ژ هەر تشتەکێ د ناڤ ئەکاونتێ تە دا ڕووی بدەت، و ژ پاراستنا وشەیا دەربازبوونێ (تێپەڕەوشە / Password) یا خۆ.

پێزانینێن دروست دەمێ خۆتۆمارکرنێ بدە مە و بەردەوام نووژەن بکە. دبیت ئەم ژمارەیا تەلەفۆنا تە یان ئیمەیلا تە پشتڕاست بکەین.

ئەڤ خزمەتگوزاریە دیار دکەت کا چەند ئامیر دشێن ب ئێک ئەکاونت ڤە د ئێک دەم دا بهێنە ڤەکرن. هەر ئامیرەکێ دی ژ وی سنووری ببووریت دبیت ب شێوەیەکێ ئۆتۆماتیکی بچیتە دەر.

ئێکسەر مە ئاگەهدار بکە ل سەر {EMAIL} ئەگەر تە هەست پێکر کەسەکێ دی چوویە د ناڤ ئەکاونتێ تە دا.

کۆینز، ئەڵماس و کەرەستەیێن ڤێرچوال (مەجازی)

کۆینز، ئەڵماس، دیاری، چارچووڤە، مەدالیا، سێم (Themes)، تایبەتمەندیێن VIP و SVIP و هەر کەرەستەیەکێ دی یێ مەجازی، مۆلەتا بکارئینانێ یا کەسی و سنووردارن د ناڤ {BRAND} دا و ناهێنە ڤەگوهاستن. تو خودانێ وان نینی.

ئەڤ کەرەستە چو بهایەک ل دەرڤەی بەرنامەی نینن. ئەڤە نە پارەنە، نە ئەمانەتن، و نە تشتەکن بهایێ پارەی هەبیت، و ناهێنە گوهۆڕین بۆ پارێ کاش ژ بلی وان ڕێکێن ڕاکێشانێ یێن ئەم ب فەرمی بەردەست دکەین.

کرینا کۆینزان ئێکجارە و ناڤەگەڕیت. دەمێ هاتنە وەرگرتن مە چو ڤەگەڕاندنا پارەی نینە، ژ بلی وان دەمێن یاسا دیار دکەت یان ئەگەر شاشیەکا ئاشکرا ژ مە دروست بوبیت.

دبیت دەمێ بەسەرڤەچوونێ بۆ کەرەستەیێن مەجازی هەبیت. کەرەستە و تایبەتمەندی بێی چو قەرەبووکرن دێ هێنە ژێبرن ئەگەر ئەکاونتێ تە بهێتە گرتن، ژێبرن، یان باندکرن.

ئەم دشێین ل هەر دەمەکێ بها، بەردەستبوون، یان کریارێن هەر کەرەستەیەکێ مەجازی بگووهۆڕین، یان ب ئێکجاری لادەین.

پێدانا پارەی (دەمێ کرینێ)

تو دشێی کۆینزان بکڕی ب رێکا وان سیستەمێن پارەدانی یێن ئەم پێشکێش دکەین، وەک ZainCash، FIB (بانکا ئێکێ یا عێراقێ)، FastPay، و Stripe، یان ژ لایێ ئێک ژ هەڤپشکێن دیوان یێن باوەرپێکری.

پێدانا پارەی ل ژێر مەرج و ڕێنمایێن وان لایەنان بخۆ بڕێڤە دچیت. خەرجی و سنووردارکرنێن وان دێ کەڤنە سەر یێن مە ژی.

تو بەرپرسیاری ژ هەر باجەکا دکەڤیتە سەر کرین یان داهاتێ تە.

ئەگەر پارەدان هاتە پاشڤەبرن (ڕەتکرن)، هاتە زڤڕاندن، یان دەرکەفت فرتوفێل لێ هەیە، ئەم دشێین وان کۆینزێن هەمبەر ژێببەین و ئەکاونتی ڕابگرین.

د وی ئەپی دا یێ ژ Google Play یان App Store هاتیە دابەزاندن، کۆین ب رێکا وی ستۆری دهێنە کڕین، و یاسایێن ڤەگەڕاندنا پارەی یێن وی ستۆری ل سەر وان کڕینان دهێنە جێبەجێکرن.

ل سەر diwanlive.com کۆین ب وان بانکان دهێنە کڕین یێن ل وێرێ دیار. ئەو بۆ وێ ID یا تو دنڤیسی دهێنە زێدەکرن، لەوما بەری پارەدانێ ناڤ و وێنەی پشتڕاست بکە.

قازانجکرن و ڕاکێشانا پارەی

پێشکێشکار (هۆست)، ئاژانس، هەڤپشکێن گەشەپێدانێ (BD)، و هەڤپشکێن دیوان دشێن ئەڵماس یان کومسیۆنێ وەرگرن ل دویڤ وان ڕێسایێن د ناڤ بەرنامەی دا دیارکری. دبیت ئەڤ ڕێسا، ڕێژە، و ئاست بهێنە گووهۆڕین.

ڕاکێشانا پارەی ل ژێر کێمترین و زێدەترین بڕێن دیارکری یە، ل دویڤ بهایێ گوهۆڕینێ یێ وی دەمی، پشتڕاستکرنا ناسنامەیا تە و پێزانینێن وەرگرتنا پارەی، و ل ژێر پێداچوونا مە.

ئەم دشێین ڕاکێشانا پارەی ڕابگرین، پاشڤە ببەین، یان ڕەت بکەین ئەگەر ژ ڕێکا فێلبازیێ، ڕێککەفتنێن نەیاسایی دگەل خۆ، بکارئینانا خراب یا سیستەمێ خەلاتان یان داوەتنامەیان، زڤڕاندنا پارەی، یان شکاندنا ڤان مەرجان هاتبیتە کرن.

چ تشتەک د ڤان مەرجان دا وەک گرێبەستا دامەزراندنێ و کارمەندیێ د ناڤبەرا مە و تە دا ناهێتە هژمارتن.

ڕێسایێن ڕەفتارێ

ئەڤان تشتان نە بەلاڤ بکە، نە بکە پەخشی ڕاستەوخۆ، و نە فرێکە: ناڤەرۆکا سێکسی یان ڕوویسی؛ ناڤەرۆکا سێکسی یا زارۆکان؛ توندوتیژی، خوینڕێتن یان زۆرداری؛ بێزارکرن، ئاخڤتنا نەفرەتێ یان گەفکرن؛ ناڤەرۆکا پشتەڤانیا تیرۆرێ یان کارێن نەیاسایی؛ فێلبازی یان دزینا زانیاریان (Phishing)؛ بەرنامەیێن زیانبەخش (Malware)؛ یان پێزانینێن تایبەت یێن هەر کەسەکێ دی.

خۆ وەک کەسەکێ دی، براندەک، یان ئێک ژ تیم و کارمەندێن مە نیشان نەدە.

بۆت (Bots)، ئامیرێن ئۆتۆماتیکی، بەرنامەیێن دەستکاریکری، یان هەر ڕێکەکا نەشەرعی بکار نەئینە بۆ دەستڤەئینانا کۆینز، ئاست، خەلات، یان پلەبەندیێن کو بەرنامە بۆ وان نەهاتیە چێکرن.

ئەکاونتان، کۆدێن داوەتنامێ، یان کەرەستەیێن مەجازی ل دەرڤەی بەرنامەی نەکڕە، نەفرۆشە، ب کرێ نەدە و نەڤەگووهێزە.

ئەڤێ خزمەتگوزاریێ بۆ سپیکرنا پارەی یان ڤەگوهاستنا دراڤی بکار نەئینە.

ئاستەنگیان بۆ خزمەتگوزاریێ دروست نەکە، سیستەمێ مە نەپشکنە بۆ دیتنا خالان، و هەول نەدە سزایێن باندکرنێ، سنووردارکرنا ئامیران، یان چاڤدێریێ ببڕی.

ئەم چو جاران دەستدرێژیا سێکسی و بکارئینانا خراب یا بچویکان قەبویل ناکەین. ستاندەردێن پاراستنا بچویکان ل سەر diwanlive.com/child-safety.html نە.

ناڤەرۆکا تە

تو خودانێ وێ ناڤەرۆکێ یی یا تو دروست دکەی. تو بەرپرسیاری ژێ و ژ هەبوونا مافێ بەلاڤکرنا وێ.

تو مۆلەتەکا جیهانی، نە-تایبەت، و بێ بەرامبەر ددەیە مە بۆ مێوانداریکردن، عەمبارکرن، دووبارە بەرهەمهینان، فرێکرن و نیشاندانا ناڤەرۆکا تە ب مەرەما بڕێڤەبرن و ڕیکلامکرن بۆ خزمەتگوزاریێ. ئەڤ مۆلەتە ب دووماهیک دهێت دەمێ تو ناڤەرۆکا خۆ ژێدبەی، ژ بلی وان نوسخەیێن د باکئەپ (کۆپیێن پاراستنێ) دا ماین یان ژ بۆ ئەگەرێن یاسایی و پاراستنێ پێدڤی نە.

ئەم دشێین هەر ناڤەرۆکەکا ڤان مەرجان یان یاسایێ بشکێنیت لادەین.

چاڤدێری، سڕکردن و باندکرن

ئەم چاڤدێریا ئۆتۆماتیکی بکار دئینین، ژ وان ژی ژیرییا دەستکرد (AI) یا لایەنێ سێیەم بۆ شیکارکرنا وێنە، ڤیدیۆ و کامیرایا پەخشی ڕاستەوخۆ، دگەل پێداچوونا مرۆڤی بۆ ڕاپۆرتان.

ئەم دشێین ئاگەهداریێ بدەین، بێدەنگ بکەین، سڕ بکەین، ڕابگرین، باند بکەین، تایبەتمەندیان سنووردار بکەین، ناڤەرۆکێ ژێببەین یان ئەکاونتێ وی کەسێ ڤان مەرجان دشکێنیت بگرین، ب ئاگەهداری یان بێ ئاگەهداری.

ئەو بابەتێ بوویە ئەگەرێ بڕیارا چاڤدێریێ دبیت بهێتە پاراستن وەک بەلگە بۆ سزایێ باندکرنێ و هەر تانەلێدانەکێ (ئیستیئنافەکێ).

ل دەمێ باندکرنا هەمیشەیی، هەمی کۆینز، ئەڵماس، کەرەستەیێن مەجازی و قازانجێن نەهاتینە وەرگرتن دێ هێنە هەلوەشاندن.

بۆ پێشکێشکرنا تانەلێدانێ، پەیوەندیێ ب {EMAIL} بکە. بڕیارا مە ل سەر تانەلێدانێ بڕیارا دووماهیێ یە.

پەخشی ڕاستەوخۆ و ژوور (Rooms)

دەمێ تو دچیە پەخشی ڕاستەوخۆ (لایڤ)، دچیە سەر مایکێ، یان کامیرایا خۆ ڤەدکەی، بکارئینەرێن دی دشێن تە ببینن و گوهـ ل تە ببیت و دبیت تە تۆمار ژی بکەن ب رێکێن ل دەرڤەی دەستهەلاتا مە. چ تشتەکی پەخش نەکە کو تە نەڤێت بهێتە پاراستن.

خودانێن ژووران و ئەدمینێن وان یێن دیارکری دشێن بکارئینەران بێدەنگ بکەن، ژ ژوورێ دەرئێخن یان بلۆک بکەن. دیسان پێدڤیە ئەو بخۆ ژی پابەندی ڤان مەرجان بن.

تو بەرپرسیاری ژ وان مێڤانێن تو دئینەیە د ناڤ ژوورێ دا و ژ هەر تشتەکێ د ژوورا تە دا ڕووی بدەت.

یاری و تایبەتمەندیێن بەختی

بەرنامێ {BRAND} یاری و تایبەتمەندیێن ل سەر بنەمایێ بەختی بخۆڤە دگریت وەک تایێ بەختی (Wheel) و کانتایێن بەختی (Lucky Bags). ئەنجام ژ لایێ سێرڤەری ڤە دهێنە دیارکرن و بڕیارێن دووماهیێ نە.

ئەڤە ب تنێ تایبەتمەندیێن کەیف و خۆشیێ نە و ب کەرەستەیێن مەجازی دهێنە کرن. ئەڤە قومار نینن و پارێ کاش نادەن. ب چ ڕەنگان وەک قومار بکار نەئینە.

دبیت خەرجیا خزمەتگوزاریێ بگەهیتە سەر ئەنجامێن یاریێ، وەکی د بەرنامەی دا دیارکری.

هندەک یاری ژ لایێ کۆمپانیێن دەرەکی (لایەنێ سێیەم) ڤە دهێنە پێشکێشکرن ل ژێر ڕێسایێن وان بخۆ.

بەردەستبوونا خزمەتگوزاریێ

ئەم دشێین ل هەر دەمەکێ هەر پشکەکا {BRAND} بگووهۆڕین، ڕابگرین، یان ب ئێکجاری بوەستینین، ژ وان ژی تایبەتمەندی، کەرەستەیێن مەجازی، و پرۆگرامێن خەلاتان.

مەبەستا مە ئەوە خزمەتگوزاری بەردەوام بمینیت، لێ مە چو زەمانەت نینە کو بێ ڕاگرتن یان بێ شاشی بیت. کارێن چاکسازیێ، بڕینا خزمەتگوزاریێ، و کێشەیێن هێلا ئینتەرنێتێ تشتێن ڕووی ددەنە.

مافێن مە د خزمەتگوزاریێ دا

ناڤێ {BRAND}، لۆگۆ، پرۆگرام، دیزاین و ناڤەرۆکا وێ مولکێ {COMPANY} یان خودانێن مۆلەتا مەنە، و ب یاسایێ د پاراستینە.

بۆ تە نینە چ پشکەکا خزمەتگوزاریێ کۆپی بکەی، پێکڤەبوونێن وێ هەلوەشینی (Decompile)، ئەندازیاریا پاشڤەبەر (Reverse-engineer) ل سەر بکەی، دووبارە بفرۆشی، یان بەرهەمێن دی ژێ چێکەی، ژ بلی وان دەمێن یاسا ڕێکێ پێ بدەت.

ڕەتکرنا بەرپرسیاریێ (Disclaimer)

خزمەتگوزاری وەک خۆ (“As is”) و ب وی ئاوایێ بەردەست پێشکێش دبیت، بێ چو زەمانەتەکێ، هەتا وی ڕاددەیێ یاسا ڕێکێ پێ ددەت.

ئەم چاڤدێری و کۆنترۆلا وێ چەندێ ناکەین کا بکارئینەرێن دی چ دبێژن یان چ دکەن. پەیوەندیکرنا تە دگەل وان ل سەر بەرپرسیاریا تە بخۆیە. دیتنا بکارئینەرێن دی ب شێوەیەکێ ڕاستەوخۆ (ڕووبەڕوو) بڕیار و بەرپرسیاریا تە بخۆیە.

سنووردارکرنا بەرپرسیاریێ

هەتا وی ئاستێ یاسا ڕێکێ ددەت، ئەم بەرپرسیار نینین ژ زەرەرێن نەڕاستەوخۆ، ژ نیشکەکێ ڤە، یان پێهاتوو، یان ژ دەستدانا قازانجی، داتایان، ناڤودەنگیێ، کەرەستەیێن مەجازی یان داهاتی.

ل وان جهێن بەرپرسیاری ناهێتە لادان، کۆما گشتیا بەرپرسیاریا مە بەرامبەر تە ب تنێ سنووردارە ب وێ بڕا تە دایە مە د ماوێ سێ مەهێن بەری وی ڕوودانێ یا کو سکالا ل سەر دروست بووی.

ب دووماهیک ئینانا ڤێ ڕێککەفتنێ

تو دشێی ل هەر دەمەکێ دەست ژ بکارئینانا {BRAND} بەردەی و داخوازا ژێبرنا ئەکاونتێ خۆ بکەی، وەک د سیاسەتا مە یا پاراستنا نهێنییان دا دیارکری.

ئەم دشێین ئەکاونتێ تە ڕابگرین یان بگرین ئەگەر تە ئەڤ مەرجە شکاندبن، بۆ ئەگەرێن یاسایی، یان ئەگەر مە خزمەتگوزاری ڕاگرت.

پشکێن گرێدایی کەرەستەیێن مەجازی، مافێن مە، ڕەتکرنا بەرپرسیاریێ، سنووردارکرنا بەرپرسیاریێ، و یاسایا حاکم دێ بەردەوام مینن پشتی ب دووماهیک هاتنا ڤێ ڕێککەفتنێ ژی.

یاسایا حاکم (یاسایا پەیرەوکری)

ئەڤ مەرجە ل ژێر یاسایێن کۆمارا عێراقێ دهێنە بڕێڤەبرن.

هەر کێشەیەکا د ناڤبەرا مە دا نەهێتە چارەسەرکرن دێ هێتە ڕادەستکرن بۆ دادگەهێن تایبەتمەند یێن عێراقێ.

گوهۆڕین د ڤان مەرجان دا

دبیت ئەم ڤان مەرجان نووژەن بکەینەڤە. مێژوویا ل سەرێ ڤێ لاپەرێ نیشان ددەت کا کەنگی بۆ جارا دووماهیێ هاتیە گووهۆڕین، و ئەم دێ د ناڤ بەرنامەی دا تە ئاگەهدار کەین ئەگەر گووهۆڕینەکا مەزن هەبیت.

بەردەوامبوونا تە ل سەر بکارئینانا {BRAND} پشتی هەر گووهۆڕینەکێ رامانا وێ ئەوە تە مەرجێن نووژەنکری قەبوول کرینە.

پەیوەندی

پرسیار ل دۆر ڤان مەرجان: {EMAIL}.

{COMPANY}، {ADDRESS}.